اہل بیت(ع) نیوز ایجنسی ـ
ابنا ـ کے مطابق، جبالیا کیمپ پر صہیونی فضائیہ کی بمباری میں الاقصی چینل کے
رپورٹر اور فوٹوگرافر محمد الطنانی شہید ہوگئے ہیں جبکہ اسی اثناء میں تین صحافی
زخمی بھی ہوئے ہیں۔
غزہ کے دفتر اطلاعات نے
اعلان کیا ہے کہ محمد الطنانی کی شہادت پر، غزہ میں شہید ہونے والے صحافیوں کی
تعداد 176 تک پہنچ گئی ہے۔
ادھر العربی الجدید نیوز ویب
سائٹ کے مطابق، صہیونی فوجیوں نے غزہ کے شمال میں واقع 3 ہسپتالوں کو الشفا ہسپتال
کی طرح تباہ کرنے کی دھمکی دی ہے۔
غاصب صہیونیوں نے بیت
حانون، بیت لاہیا اور جبالیا کیمپوں کا مکمل محاصرہ کر لیا ہے اور ان علاقوں میں
اشیائے خورد و نوش کی ترسیل میں رکاوٹیں ڈال رہے ہیں۔
غاصب فوج نے کمال عدوان
ہسپتال تک جانے والے تمام راستوں کو بھی گولہ باری اور ڈرون حملوں کا نشانہ بنایا
ہے اور ہسپتال کے سربراہ کو 24 گھنٹوں کے اندر ہسپتال خالی کرنے کی ہدایت کی ہے۔
۔۔۔۔۔۔۔
110
